मडिलगे येथे नवीन पेयजल योजनेचा शुभारंभ संतोष मांडे (भुदरगड प्रतिनिधी)

मडिलगे खुर्द ता-भुदरगड या ठिकाणी राष्ट्रीय पेयजल योजने अंतर्गत नवीन पेयजल योजनेचा शुभारंभ करण्यात आला.या योजनेअंतर्गत ३५००० लिटर पाण्याची क्षमता असणारी टाकी बांधण्यात येणार आहे. ग्रामपंचायतीच्या वेळोवेळी केलेल्या  नियोजनामुळे नेहमीच गावाला पाणी पुरवठा होत आहे.परंतु गावाची रचना चढ-उतार स्वरूपाची असल्याने गावातील बिरंबोळे,कबीरवाडी वसाहतीना कमी-जास्त प्रमाणात पाणी पुरवठा होतो. या योजनेमुळे नक्कीच या वसाहतीनां पाणी पुरवठा सुरळीत होणार आहे.या योजनेचा शुभारंभ मडिलगे खुर्द येथे करण्यात आला. 

याप्रसंगी गावच्या सरपंच गौरी खापरे, डे.सरपंच सुरेश खोत उपस्थित होते.तसेच माजी सरपंच टि.एल.पाटील,नागोजी बिरंबोळे, बिद्री कारखानाचे संचालक धोंडिराम मगदुम,गावचे जेष्ठ नागरिक शामराव कळंत्रे,के डी अकोळकर,रामचंद्र खापरे, बी.एन.खापरे,जयसिंग मगदूम, तंटामुक्त गाव समितीचे अध्यक्ष बी.एस.खापरे,ग्रामपंचायत सदस्य धोंडिराम मांडे,प्रशांत मगदुम, विनायक बिरंबोळे,सविता खापरे, नामदेव चौगले,बाळासो मांडे, विजय कोळस्कर तसेच सुभाष पाटील,अरुण कळंत्रे,शहाजी पाटील,शंकर खापरे,आनंदा माने,मनोज खापरे उपस्थित होते.